У Дзень ведаў цэнтральная бібліятэка таксама шчыра вітала ў сваіх сценах навучэнцаў старэйшых класаў гарадскіх школ — рабят запрасілі на ўрок “Беларусь — мая Айчына”. Вучні здзейснілі экскурс у гісторыю беларускага кнігадрукавання, роднага горада. Ля выставы за шклом да 500-годдзя беларускага кнігадрукавання ўвага была звернута да вытокаў нацыянальнай культуры беларускага народа. Узгадалі ролю і значэнне дзейнасці Ф. Скарыны і яго паслядоўнікаў. Таксама рабят запрасілі на экскурсію па бібліятэцы, пазнаёмілі іх з работай розных аддзелаў. На першым уроке ў новым навучальным годзе размова ішла і пра лепшыя дасягненні краіны, значныя, юбілейныя даты.