9 лістапада ў Крывошынскай сельскай бібліятэцы адбыліся другія Краязнаўчыя чытанні “Я тут, пад гэтым небам, нарадзіўся…”. Спачатку бібліятэкары Ляхавіцкай раённай бібліятэчнай сістэмы пазнаёміліся з гісторыяй вёскі Крывошын, са знакамітымі людзьмі гэтага краю. Далей экскурсія працягнулася ў парк Рэпіхава. Пра царкву Пакрова Найсвяцейшай Багародзіцы распавядаў іерэй Сергій Шэйко. Цікавыя звесткі паведамілі ў музеях Крывошынскай сярэдняй школы. Дарэчы, экскурсію па этнаграфічным музеі настаўнікі правялі ў вершаванай форме. Паэтычным заключэннем Краязнаўчых чытанняў стала сустрэча з мясцовай таленавітай паэткай Галінай Зыранавай.
Алена Мікуліч,
бібліятэкар аддзела бібліятэчнай
рэкламы і маркетынгу
