Памятны знак устаноўлены на гарадской плошчы Ашдода, названай у гонар Янкі Купалы ў 2012 годзе – у год 130-годдзя з дня яго нараджэння. Гэта сумесная ініцыятыва пасольства Беларусі ў Ізраілі і мясцовага аддзялення Усеізраільскага аб’яднання выхадцаў з Беларусі, рэалізацыя якой стала магчымай дзякуючы падтрымцы муніцыпалітэта горада. Такое скульптурнае ўвекавечанне памяці вялікага беларускага паэта ў далёкім замежжы – другое пасля Нью-Ёрка.