Трысцень Іван

Іншыя паўнатэкставыя базы даных краязнаўчага зместу >>> Літаратурная Ляхавіччына

 

Трысцень Іван Іванавіч

Нарадзіўся 4 красавіка 1948 года ў вёсцы Вашкаўцы Ляхавіцкага раёна Брэсцкай вобласці. Служыў у арміі. Скончыў Баранавіцкі тэхналагічны тэхнікум. Жыве ў Баранавічах. Працаваў слесарам на Баранавіцкім баваўняна-папяровым аб’яднанні. Сябар творчага згуртавання “Святліца”. Цяпер на пенсіі.

Прытульчык, Р. «Вясковыя байкі» Івана Трысценя

АДКРЫВАЕМ НОВЫЯ ІМЁНЫ

«Вясковыя байкі» Івана Трысценя

Ніхто так не зможа расказаць пра асаблівую чысціню блакітнага неба і водар роднага паветра, як паэт, які нарадзіўся і жыве ў гэтых мясцінах. Ляхавіцкая зямля таксама славіцца літаратурнымі талентамі. Усім вядомы імёны і творчая спадчына Леаніда Пранчака, Алеся Бадака. Убачылі свет кнігі нашых землякоў Анатоля Станкевіча, Веры Дыдышкі, Кастуся Турко, Валянціны Пабягайла, Фёдара Лапаніка.

Напрыканцы лістапада ў чытальнай зале цэнтральнай бібліятэкі адбылася сустрэча з паэтам і празаікам Іванам Трысценем. На яе прыйшлі чытачы бібліятэкі, аматары паэзіі, удзельнікі клуба “Залаты ўзрост” і кпуба ветэранаў “Сівізна”. Маладжавы, з добрай выпраўкай і выдатным пачуццём гумару “віноўнік свята” адразу заваяваў сімпатыі слухачоў у тым ліку, сакавітай і мілагучнай беларускай гаворкай.

Іван Трысцень жыве і працуе ў Баранавічах, але нарадзіўся ў нашым раёне — у вёсцы Ураджайная (тады яна называлася Вошкаўцы). Дарэчы, менавіта бібліятэкар Ураджайнінскай сельскай бібліятэкі Таццяна Зелянко падказала супрацоўнікам Купалаўкі імя таленавітага земляка. У 2010 годзе быў выдадзены першы зборнік Івана Трысценя “Вясковыя байкі”, цяпер рыхтуецца да друку другая кніга.

Сустрэча атрымалася цёплай і душэўнай. Паэт натхнёна чытаў свае творы, успамінаў малую радзіму, землякоў, вучобу ў СШ №1 (сярод слухачоў нават аказаўся адзін з яго былых настаўнікаў), з задавальненнем адказваў на пытанні. Гучалі вершы Івана Трысценя ў выкананні прыхільнікаў яго творчасці, у тым ліку жонкі Таццяны. “Залацінка”, “Храм”, “Рака жыцця”, “Жаночы дзень”, “Віно вінаграднае”… Вершы займаюць трэць зборніка (усяго ў ім каля 100 старонак), астатняя частка кнігі — апавяданні і замалёўкі. Іх героі — простыя людзі, якія не маюць вя- лікага багацця і ўлады, але знаходзяць радасць і шчасце ў іншым.

Удзельнікі творчай сустрэчы таксама падрыхтавалі сюрпрызы. Ляхавічанін Вячаслаў Вайшэвіч падарыў госцю вершаванае пры- свячэнне-пажаданне, а хор ветэранаў “Сівізна” і супрацоўнікі бібліятэкі арганізавалі невялікі канцэрт. Знайшлося нямала жадаючых атрымаць аўтограф аўтара.

Дырэктар ЦБС Вольга Пляшэвіч запрасіла Івана Трысценя на прэ- зентацыю яго наступнай кнігі, а “Вясковыя байкі” далучыліся да літаратурнай спадчыны таленавітых землякоў.

Між іншым, бібліятэка плануе яшчэ нямала цікавых сустрэч з та- ленавітымі людзьмі. У снежні да нас завітае аўтар бестселераў “Террнторня душн” і “Площадь согласия” Наталля Батракова, а ў лютым наступнага года чакаем у госці гісторыка Аляксандра Чароміна з Масквы — аўтара кнігі “Тураўскае княства”.

Запрашаем наведаць нашу Купалаўку!

Рыма Прытульчык,

 загадчыца аддзела абслугоўвання цэнтральнай бібліятэкі.

 

Прытульчык,  Р. «Вясковыя байкі» Івана Трысценя / Рыма Прытульчык // Ляхавіцкі веснік. – 2012. – 5 снежня. – № 92. – С. 4.

Поделиться в социальных сетях:

Comments are closed