Ужо каторы дзень у нашай краіне лепшыя спартсмены атрымліваюць свае важкія ва ўсіх сэнсах медалі. А хутка, 3 ліпеня, юбілейныя медалі «75 год вызвалення Беларусі ад нямецка-фашысцкіх захопнікаў» уручаць ветэранам Вялікай Айчыннай вайны, былым вязням фашысцкіх лагераў і іншых месцаў прымусовага ўтрымання, удзельнікам баявых дзеянняў за вызваленне краіны, у тым ліку замежным грамадзянам, ваеннаслужачым Узброеных Сіл Беларусі і іншых воінскіх фарміраванняў, а таксама тым, хто ўносіць свой уклад у патрыятычнае выхаванне, увекавечвае памяць тых, хто змагаўся за мір. Гэтыя ўзнагароды — падзяка за добрыя справы, яны нагадваюць пра важную для нас падзею. А ці задумваліся вы, хто і як іх робіць?