Гісторыя

У вёсцы Заліпенне ў ліпені 1950 года вяскоўцы аб’ядналіся ў калгас “Шлях Ільіча”. У 1950 годзе ў вёсцы Ліпск створаны калгас імя Вярхоўнага Савета СССР. У 1950 годзе жыхары вёскі Нетчын стварылі калгас “Новае жыццё”. У 1950 годзе быў створаны калгас “8-е Сакавіка”, вёска Крывошын. У 1952 годзе ў склад узбуйненнага калгаса “Шлях Ільіча” увайшлі ўсе вышэй пералічаныя калгасы, а ў 1957 годзе да іх далучыўся калгас “Новае жыццё”, вёска Залужжа. Цэнтрам калгаса стала вёска Ліпск.
У снежні 1967 года калгас “Шлях Ільіча” быў пераўтвораны ў саўгас “Шлях Ільіча”. Аб гэтым сведчаць кнігі ўліку працоўнага стажу членаў калгаса, разлікова-плацёжныя ведамасці па ўліку рабочага часу і заработнай платы.
У сакавіку 1972 года саўгас “Шлях Ільіча” быў раздзеляны на два саўгасы: “Шлях Ільіча” і “Усход” (Загад Галоўпалессяводбуд № 34 ад 2 лютага 1972 года).
С 19 мая 1991 года саўгас “Шлях Ільіча” быў рэарганізаваны ў калгас “Шлях Ільіча” (пратакол агульнага сходу № 2 ад 19 мая 1991 года).
10 ліпеня 2003 года калгас “Шлях Ільіча” рэарганізаваны ў СВК “Ліпнянка” (рашэнне Брэсцкага аблвыканкама № 200058401 ад 31 ліпеня 2003 года). У 2008–2014 гадах калгасам кіраваў Варвашэвіч Уладзімір Міхайлавіч.
У лістападзе 2015 года СВК “Ліпнянка” рэарганізаваны ў камунальнае сельскагаспадарчае унітарнае прадпрыемства “Ліпнянка” (рашэнне Ляхавіцкага раённага выканаўчага камітэта ад 2 снежня 2015 года № 200058401). Дырэктарам стаў Берташ Станіслаў Вячаслававіч.
З 19 ліпеня 2019 года да КСУП “Ліпнянка” далучаецца КСУП “Востраў-Агра”. Цэнтрам гаспадаркі становіцца вёска Востраў. Дырэктарам КСУП “Ліпнянка” застаецца Пятроўскі Міхаіл Міхайлавіч.
У студзені 2021 года, дзейнічаючы ў адпаведнасці з Указам Прэзідэнта Рэспублікі Беларусь ад 2 кастрычніка 2018 года № 399 “Аб фінансавым аздараўленні сельскагаспадарчых арганізацый”, Ляхавіцкі раённы Савет дэпутатаў вырашыў узгадніць адчужэнне КСУП “Ліпнянка” як маёмаснага комплексу шляхам продажу сялянска-фермерскай гаспадарцы “Вопыт-КАА” (Столінскі раён) па цане, роўнай адной базавай велічыні.
26 студзеня 2022 года ў газеце “Ляхавіцкі веснік” была размешчана інфармацыя аб правядзені 25 лютага 2022 года Ляхавіцкім раённым выканаўчым камітэтам конкурса па продажу знаходзячагася ва ўласнасці Ляхавіцкага раёна маёмаснага комплексу камунальнага сельскагаспадарчага унітарнага прадпрыемства “Ліпнянка”.
З 12 ліпеня 2022 года кіраўніком СУП “Ліпнянка” з’яўляецца Брокар Мікалай Аляксандравіч.
У красавіку 2023 года ў СУП “Ліпнянка” ўвялі ў эксплуатацыю малочнатаварную ферму на 500 галоў дойнага статка з малочным блокам і цэхам раздою. Ферма будавалася за ўласныя сродкі СФГ “Вопыт-КАА”.

Крыніца пошука:

1. Агеева, Н. "Ліпнянскія" эксперементы / Н. Агеева // Ляхавіцкі веснік. — 2004. — 9 чэрвеня (№ 46). — С. 3.
2. Гарады і вёскі Беларусі : Энцыклапедыя. Т. 4, кн. 2. Брэсцкая вобласць / рэдкал. : Г.П.Пашкоў (гал. рэд.) [і інш.]. – Мінск : БелЭН, 2007. – 608 с. : іл .
3. З задачай на вясну // Ляхавіцкі веснік. — 2021. — 20 лістапада (№ 88). — С. 8 : фат. — Гэты год для «Ліпнянкі» выдаўся няпростым.
4. Информация о проведении Ляховичским районным исполнительным комитетом конкурса по продаже находящегося в собственности Ляховичского района имущественного комплекса коммунального сельскохозяйственного унитарного предприятия "Липнянка" // Ляхавіцкі веснік. — 2022. — 26 студзеня (№ 6). — С. 6.
5. Каваленка, І. Новая і стыльная / Іван Каваленка // Ляхавіцкі веснік. – 2023. – 8 красавіка (№ 26). – С. 3.
6. Каваленка, І. Пакупнік з вопытам / Іван Каваленка // Ляхавіцкі веснік. – 2021. – 16 студзеня (№ 3). – С. 2.
7. Кулаков, В. За все в ответе / В. Кулаков // Заря. — 1979. — 1 декабря. — О подготовке парторганизации к-за "Новая Жизнь" к обмену партдокументов.
8. Лапіч, А. Работа над памылкамі : працаўнікі CВК "Ліпнянка" прагаласавалі за свайго старшыню / Аліна Лапіч // Ляхавіцкі веснік. — 2013. — 26 студзеня (№ 7). — С. 2.
9. Памяць: Гіст.-дакумент. Хроніка Ляхавіц. р-на /Беларус. Сав. Энцыкл.; Рэдкал.: І. П. Шамякін (гал. рэд.) і інш.; Рэд.-скл. В. У. Скалабан; Маст. А. М. Хількевіч.– Мн.: БелСЭ, 1989.– 439 с., [8] л.

СУП “Ліпнянка”

Гісторыя

Фотагалерэя

Крыніца пошука: