Гісторыя

У студзені 1940 года на базе былога маёнтка ў вёсцы Ганчары была арганізавана МТС, якой перадаваліся 6 жылых і 3 гаспаспадарчыя будынкі.

У ліпені 1949 года ў вёсцы Мазуркі створаны калгас імя Дзяржынскага.

30 жніўня 1949 года ў вёсцы Набярэжная (да 1971 года – Вонькі) створаны калгас “Світанне”.

21 кастрычніка 1949 года ў вёсцы Гарадзішча створаны калгас імя Пушкіна, які з 17 ліпеня 1952 года ўвайшоў у склад калгаса “1 Мая”.

21 лістапада 1949 года ў вёсцы Ганцавічы створаны калгас “Зара камунізма”. У яго склад увайшлі 20 аднаасобных гаспадарак. Старшыёй калгаса быў абраны Юруць Фёдар Антонавіч – быўшы воін Савецкай Арміі. У карыстанне гаспадаркі было аддана 250 гектараў зямлі. У 1955 годзе старшынёй калгаса быў таварыш Каўпак.

30 лістапада 1949 года ў вёсцы Меляхі створаны калгас “Праўда”. У 1955 годзе старшынёй калгаса быў таварыш Малаковіч. У сакавіку 1960 года на агульным сходзе было прынята рашэнне аб аб’яднанні калгаса “1 Мая” з калгасам “Праўда”. У 1950 годзе ў вёсцы Мядзведзічы створаны калгас “1 Мая”.

17 мая 1950 года ў вёсцы Смаленікі створаны калгас імя Купалы, ў вёсцы Цыгань – калгас “Малады Бальшавік”.

21 жніўня 1950 года ў вёсцы Падбарочча створаны калгас “Светлы Шлях”.

13 верасня 1950 года ў вёсцы Нівішча створаны калгас імя Кагановіча.

27 верасня 1950 года ў вёсцы Залужжа створаны калгас “Чырвоны Усход”.

Да 1960 года калгасы імя Купалы, імя Дзяржынскага ўвайшлі ў склад калгаса “1 Мая”.

У 1953 годзе старшынёй калгаса “1 Мая” быў Фёдараў Антон Іванавіч. На пачатку 1955 года яго змяніў Гвазданаў Я.М. У лютым 1959 года пасаду старшыні займаў Бусел С.В.

На агульным сходзе 5 сакавіка 1960 года было прынята рашэнне аб пераўтварэнні калгаса “1 Мая” ў саўгас “Ганчароўскі”, у які ўвайшлі ўсе вышэй пералічаныя калгасы. Цэнтрам саўгаса стала вёска Ганчары.

Асноўнай мэтай стварэння і дзейнасці саўгаса “Ганчароўскі” з’яўлялася гаспадарчая дзейнасць, накіраваная на атрыманне прыбытку для задавальнення сацыяльных і матэрыяльных патрэбаў, задавальнення грамадскіх патрэбаў у яго прадукцыі, працах, паслугах.

Саўгас “Ганчароўскі” займаўся вырошчваннем расады і гародніны, развядзеннем кароў і цялят, продажам малака і мяса.

У 1961 годзе калгас імя Калініна ўваходзіць у склад саўгаса “Ганчароўскі”. Дырэктарам саўгаса стаў Казак Павел Майсеевіч. 25 лютага 1964 года саўгас “Ганчароўскі” падзелены на два саўгасы: “Малагарадзішчанскі” і “Ганчароўскі”. Пазней, 20 лютага 1965 года, саўгас “Ганчароўскі” быў перайменаваны ў племянны саўгас (племсаўгас) “Ганчароўскі”. З 23 снежня 1972 года з’яўляецца племянным заводам (племзавод) “Ганчароўскі”.

Племзаводам “Ганчароўскі” кіраваў Русенчык Іван Трафімавіч да 1988 года. Скакун Усевалад Мікалаевіч узначаліў племзавод у 1988 годзе і кіраваў ім да 1995 года. Змяніў яго Шытаў А.В. Прарабіў дырэктарам племзавода “Ганчароўскі” ён нядоўга, бо зноў здарылася рэарганізацыя. 6 лістапада 1997 года племзавод “Ганчароўскі” перайменаваны ў саўгас “Ганчароўскі”. У 1999 годзе кіраўніком гаспадаркі становіцца Сінкевіч Міхаіл Аляксандравіч. На пасадзе дырэктара працаваў нядоўга, усяго толькі год.

З 2000 года кіраўніком саўгаса быў назначаны Бурба Юрый Уладзіміравіч.

27 сакавіка 2001 года саўгас “Ганчароўскі” перейменаваны ў камунальнае ўнітарнае сельскагаспадарчае прадпрыемства (КУСГП) “Ганчароўскі”.

На падставе рашэння Ляхавіцкага райвыканкама ад 27 мая 2003 года № 260 КУСГП “Ганчароўскі” было ліквідавана. У час ліквідацыі сельскагаспадарчага прадпрыемства дырэктарам КУСГП “Ганчароўскі” з’яўляўся Бурба Ю.В.

WYSIWYG Web Builder

Фотагалерэя

Крыніца пошука:

  • Гарады і вёскі Беларусі : Энцыклапедыя. Т. 4, кн. 2. Брэсцкая вобласць / рэдкал. : Г.П.Пашкоў (гал. рэд.) [і інш.]. – Мінск : БелЭН, 2007. – 608 с. : іл .
  • Занальны дзяржаўны архіў у г.Баранавічы. – Ф. 1060. Оп. 1. Д. 1-7.
  • Занальны дзяржаўны архіў у г.Баранавічы. – Ф. 1072. Оп. 3. Д. 1-12.
  • Занальны дзяржаўны архіў у г.Баранавічы. – Ф. 1072. Оп. 1. Д. 3, 10-17.
  • Лапіч, А. Трэцяга не дадзена / Лапіч А. // Ляхавіцкі веснік. — 1991. — 12 лютага ( 19). — С. 2.
  • Памяць: Гіст.-дакумент. Хроніка Ляхавіц. р-на /Беларус. Сав. Энцыкл.; Рэдкал.: І. П. Шамякін (гал. рэд.) і інш.; Рэд.-скл. В. У. Скалабан; Маст. А. М. Хількевіч.– Мн.: БелСЭ, 1989.– 439 с., [8] л. іл.: іл.
  • Федаровіч, Л. Паклікала поле / Федаровіч Л. // Будаўнік камунізму. — 1988. — 12 красавіка ( 44). — С. 1. — Падрыхтоўка да сяўбы ў племзавода "Ганчароўскі".
  • Юнік, А. Працуем дружна, вынікова: жывёлагадоўля — ударны фронт / Юнік А. // Будаўнік камунізму. — 1985. — 16 лютага ( 21). — С. 3.
Паважаныя карыстальнікі!
Калі вы заўважылі памылкі або недакладнасці,
а таксама валодаеце дадатковай інфармацыяй,
просьба паведаміць нам па тэлефоне 8 (01633)  6-09-57
або напісаць на электронную пошту liblh@brest.by

© ДУК "Ляхавіцкая раённая цэнтралізаваная бібліятэчная сістэма", 2022