11 лістапада 2023 года супрацоўнікі Ляхавіцкай раённай цэнтралізаванай бібліятэчнай сістэмы прынялі ўдзел у міжрэгіянальным семінары «Краязнаўства – новыя гарызонты ў дзейнасці бібліятэк» у Ганцавічах. Вопытам работы па стварэнню краязнаўчых электронных віртуальных рэсурсаў з калегамі падзялілася дырэктар ДУК «Ляхавіцкая раённая цэнтралізаваная бібліятэчная сістэма» Вольга Пляшэвіч. У праграме семінара было знаёмства з краязнаўчай дзейнасцю Ганцавіцкай і Баранавіцкай раённых бібліятэчных сістэм, прадстаўленне ўзорнага лялечнага тэатра «Усмешка» па творы Алеся Каско, краязнаўчая гадзіна ў пакоі «Хата з матчынай душой», знаёмства з Хатыніцкай і Раздзялавіцкай сельскімі бібліятэкамі.
