Вёска Камень, што ў Валожынскім раёне, сваю назву атрымала нездарма: побач з паселішчам ляжыць вялізны валун, які адносіцца да перыяду бронзавага веку. Для месцічаў гэты сівы волат — сімвал радзімы, да яго прыходзяць і ў горы, і ў радасці, яго ўспамінаюць, апынуўшыся далёка ад бацькоўскай хаты. Прыходзяць сюды і юнакі, якім хутка ў войска: каб набрацца жыццядайнай энергіі і, адслужыўшы, абавязкова вярнуцца да роднага парога.